Fus time, jack an' jill
Use fi run up de hill every day
Now dem get pipe, wata rate increase
Every day dem woulda reincarnate humpty dumpty
Fi fall of de wall, likkle bway blue
Who love to blow him horn to de sheep in the meadow
Likkle bway blue grow up now
An' de sheep dem get curried
Ina likkle cold suppa shap dang de street
Yuh rememba wen man dida panda fi guh moon
Yet dem did 'ave de cat a play fiddle
Suh de cow coulda jump ova it every full moon
An'.. lite bill increase
.. Den there was de old ooman
Who neva huh nuh family plannin clinic
She use fi live somewhey dung a back-o-wall
Ina a lef' foot shoe
Back-o-wall tun Tivoli Gardens now
Suh she move
Kack sprat.. yes jack sprat
Who could'nt stan' fat
Him start eat it now
But him son turn vegetarian
'Cause meat scarce
Likkle bo peep who lost her sheep
Went out fi look fi dem
An' fine a politician instead
An' is now livin' on Beverly Hills
An' society grow..
Dic aree dick aree doc
De mouse run up de clock
All de tennats 'ave heart attack
Suh de lan' lard nuh 'ave need fi com back
Fus time man use fi lov' dem
But dem deh days dun
An' wi write..
- Mutabaruka lyrics are copyright by their rightful owner(s) and Reggae-Lyrics.com in no way takes copyright or claims the lyrics belong to us.
-
- Reggae-Lyrics.com exists solely for the purpose of archiving all reggae songs, lyrics, artists, albums, riddims, instrumental version and makes no profit from this website.
